Ötən il qlobal ÜDM artımı təxminən 3,2 faiz olub. Bu il isə artımın azalaraq 2,7 faiz olması proqnozlaşdırılır.
AZƏRTAC xəbər verir ki, bunu Beynəlxalq Valyuta Fondunun idarəedici direktoru Kristalina Georgiyeva Davosda keçirilən Dünya İqtisadi Forumunda bildirib.
Onun sözlərinə görə, Rusiyanın Ukraynaya genişmiqyaslı hərbi müdaxiləsi, yüksək yaşayış dəyəri və artan faiz dərəcələri 2023-cü ildə qlobal iqtisadiyyat üçün ən böyük problemlərdir.
