Asiyanın ən varlı iş adamı Mukeş Ambani-nin qızı İşa Ambani qatıldığı bir dəfilədə nümayiş etdirdiyi lüks aksesuar seçimi ilə dünya gündəminə düşüb.
Musavat.com xəbər verir ki, 34 yaşlı Ambani çox kiçik ölçüsü ilə diqqət çəkən, lakin daşıdığı astronomik dəyərlə görənləri heyrətə salan brilyant örtüklü çantası ilə bütün diqqətləri üzərinə toplayıb.
İşa Ambani-nin bazar ertəsi qatıldığı tədbirdə daşıdığı bu xüsusi dizayn çanta incə bir sənətkarlıqla minlərlə kəsim almazdan istifadə edilərək hazırlanıb. İçərisinə yalnız tək bir dodaq boyası yerləşəcək qədər mikro ölçüyə sahib olmasına baxmayaraq, çanta yüksək dəyəri və gözqamaşdırıcı dizaynı ilə moda dünyasında zinət əşyası ilə çanta arasındakı sərhədləri ortadan qaldıran nadir parçalardan biri kimi xarakterizə olunur.
Dəyəri 2 milyon dollardan çox olan bu lüks aksesuar, cari məzənnə hesablamaları ilə təxminən 70 milyon TL-yə bərabərdir. Ümumilikdə 3 min 25 ədəd parlaq kəsim brilyantdan ibarət olan bu xüsusi dizayn, sadəcə bir çanta deyil, eyni zamanda yüksək dəyərə malik bir zinət əşyası olaraq moda ekspertlərinin böyük marağına səbəb olub. Ambani-nin bu seçimi lüks moda dünyasında "əlçatmaz" standartları bir daha gözlər önünə sərdi.
Musavat.com
