Yanvarın 20-dən sonra iki gün ərzində Bakı və ətraf bölgələrdə qar yağacağı gözlənilir.
Musavat.com xəbər verir ki, bu barədə “Windy.com” hava proqnozu platforması məlumat yayıb.
Platformanın məlumatına əsasən, qarla yanaşı, temperaturun da əhəmiyyətli dərəcədə enəcəyi proqnozlaşdırılır. Bu dəyişiklik nəqliyyat sisteminə təsir göstərə bilər və yol hərəkətində problemlərə səbəb ola bilər. Xüsusilə, Bakının yüksək ərazilərində yollarda sürüşmə riski və tıxaclar yarana bilər.
Qeyd etmək lazımdır ki, “Windy.com” dəqiq proqnozları ilə istifadəçilər arasında geniş etibar qazanıb. Platforma hava şəraiti ilə bağlı bir çox göstəricini, o cümlədən külək istiqaməti, temperatur və yağıntıları ətraflı şəkildə təqdim edir.
Musavat.com
