Ötən gün “Koroğlu” stansiyasının qarşısında yük maşını aşıb və nəticədə avtomobildə olan maye yola dağılıb.
Müğənni Zamiq Hüseynov sosial şəbəkədə qəzanın görüntülərini paylaşaraq bunları yazıb:
"Mən hər zaman demişəm, yenə də deyirəm. Artıq "avtoşluq" edənlər balaca maşınlar deyil, yük maşınları və avtobuslardır. Bu sürücülər nə yeyir, nə içirlər bilmirəm. Sən sürdüyün maşına bələd deyilsən? Döngəyə sürətlə necə girişdir bu? Bu aşan maşının sağında bir ailə, uşaq getsəydi, necə olacaqdı? Nə qədər insan bədbəxt olacaqdı? Dəhşətdir vallah". (Axşam.az)
