ABŞ-ın Ayova ştatında fermada toyuqlarda quş qripi aşkar edilib. Ştatın qubernatoru Kim Reynolds iyunun 27-dək qüvvədə olan fövqəladə vəziyyət elan edib.
Musavat.com xarici KİV-ə istinadən xəbər verir ki, Ayova ştatının rəsmiləri Sioux County bölgəsində toyuqlarda quş qripi aşkarlandığını təsdiqləyib.
ABŞ-ın Kənd Təsərrüfatı Departamenti (USDA) də yumurtlayan toyuqlarda yüksək patogenli quş qripinin (HPAI) aşkarlandığını bildirib.
Qeyd edək ki, ABŞ-da daha əvvəl bəzi inəklərin südündə quş qripi (H5N1) aşkar edilib. İki işçi quş qripinə tutulub, süd içən bəzi pişiklər isə virusdan ölüb.
Musavat.com
