London Moskva ilə “boz müharibə” aparır.
Musavat.com xəbər verir ki, bunu Britaniya Xarici Kəşfiyyat İdarəsinin (MI6) keçmiş rəhbəri (1999-2004) Riçard Dirlov "Politico"ya bildirib.
Onun sözlərinə görə, Britaniya cəmiyyəti bundan xəbərsizdir.
"Böyük Britaniyada küçədə kimisə saxlasanız və onlardan bizim müharibədə olduğumuzu soruşsanız, sizə dəli kimi baxacaqlar. Amma biz müharibədəyik, Rusiya ilə boz müharibə aparırıq və mən bunu insanlara xatırlatmağa çalışıram", - deyə Dirlov bildirib.
Mİ6-nın keçmiş rəhbəri Britaniya hökumətini də tənqid edib.
Belə ki, Riçard Dirlov Londonun müdafiəyə ayırdığı xərcləri Moskva və Pekindən gələn təhdidləri dəf etmək üçün yetərsiz adlandırıb.
Musavat.com
