"Cəmiyyətimizdə bu dəqiqə elə bir inamsızlıq var ki, onlar belə hadisələrdə arada qalmağı, hadisə şahidi olmağı istəmirlər. Çünki düşünürlər ki, sabahsı gün onlar şahid qismində get-gələ salınacaqlar və s.Türkiyədə bu hadisə olsaydı ətrafdakı insanlar birmənalı olaraq hadisəyə müdaxilə edəcəkdilər."
Musavat.com xəbər verir ki, bu sözləri "Tv Musavat"ın canlı efirində hüquqşünas Şamil Paşayev deyib.
O, qeyd edib ki, cəmiyyətimiz dava, mübahisə olan yerlərdən qaçırlar və orada nəyəsə müdaxilə etmək istəmirlər: "Bir məsələni də deyim ki, orada döyülmə olmasaydı, Ağadadaş Ağayev bir qızı qucaqlayıb öpsəydi, bir qızın başına tumar çəksəydi, ətrafda olan insanlar müdaxilə edəcəkdi. Biz cəmiyyət olaraq dava edənlərə müdaxilə etməyi sevmirik."
Musavat.com
