Bakıda qadın külli miqdarda dələduzluqda ittiham olunur.
Musavat.com Lent.az-a istinadən xəbər verir ki, D. Həsənəliyeva G.M, A.M bacıları və onların qardaşı M.M-dan otel və tikinti işlərinə sərmaye qoymalarını təklif edib.
Daha sonra, onlara qazancdan pay verəcəyini vəd verib. Əldə edilən məlumata görə, təqsirləndirilən şəxs bu təklif qarşılığında qardaş-bacılardan ümumilikdə 333 min 677 manat pul alıb.
Lakin sonradan vədinə əməl etməyib. Nəticədə zərərçəkənlər hüquq-mühafizə orqanlarına şikayət ediblər. Dələduzluqda şübhəli bilinən D. Həsənəliyeva məsuliyyətə cəlb edilib.
Onun barəsində ev dustaqlığı qərarı verilib.
Hazırda istintaq Bakı Ağır Cinayətlər məhkəməsində davam etdirilir.
