Avrozona iqtisadiyyatı ötən ilin ikinci yarısında texniki resessiya təhlükəsi ilə üzləşib.
Musavat.com xəbər verir ki, bunu Avropa Mərkəzi Bankının (AMB) sədr müavini Luis de Qindos deyib.
Onun ABC qəzetinə dediyinə görə, “2023-cü ilin üçüncü rübündə Avrozonada iqtisadi fəallıq bir qədər yavaşlayıb”: “Zəif göstəricilər dekabr ayında da 2023-cü ilin ikinci yarısında texniki tənəzzülün və qısamüddətli dövrdə zəif perspektivlərin mümkünlüyünü təsdiqləyən iqtisadi yavaşlamaya işarə edir”.
Luis de Qindos həmçinin regionda, xüsusən də tikinti və istehsal kimi sektorlarda artım templərində "ümumi yavaşlama" olduğunu deyib.
Bloomberg əvvəllər avrozona iqtisadiyyatının 2023-cü ilin sonunda ardıcıl ikinci rübdə iqtisadi artımın azalması fonunda koronavirus pandemiyasının başlamasından bəri ilk dəfə resessiyaya girəcəyini bildirmişdi. Birləşmiş Millətlər Təşkilatının Ticarət və İnkişaf Konfransının (UNCTAD) oktyabrın 4-də dərc olunmuş illik Ticarət və İnkişaf Hesabatına əsasən, sərt pul siyasəti fonunda Avropa "tənəzzül astanasındadır", Almaniya isə "artıq tənəzzül içindədir". Avropada artımı sərt büdcə qənaəti və real əmək haqqının azalması yavaşladır.
Musavat.com
