Dünyada süni intellektlə bağlı ilk normativ hüquqi akt yaxın ayda qüvvəyə minəcək.
Musavat.com xarici mediaya istinadla xəbər verir ki, Avropa İttifaqının Şurası süni intellektdən istifadənin hüquqi tənzimləməsini təsdiqləyib. Səlahiyyətlilər ümid edirlər ki, qaydalar Aİ tənzimlənməsi üçün qlobal standartın yaradılmasına kömək edəcək.
Yeni qanun həm fərdi şəxslər, həm də dövlət qurumları üçün Aİ-nin vahid bazarında təhlükəsiz və etibarlı süni intellekt sistemlərinin işlənib hazırlanmasını və tətbiqini təşviq etmək üçün qəbul edilib.
Qeyd olunur ki, qanun yalnız Aİ qanunvericiliyi çərçivəsində olan sahələrə şamil olunacaq və istisnalar nəzərdə tutulub. Məsələn, tədqiqat, hərbi və müdafiə məqsədləri üçün istifadə edilən AI sistemləri qanuna tabe olmayacaq.
Süni intellekt onların yaratdığı mümkün təhlükədən asılı olaraq təsnif ediləcək. Risk nə qədər az olarsa, bir o qədər az hesabatlılıq və şəffaflıq tələb olunur. Süni intellekt sistemlərinin riskini qiymətləndirmək və mövcud yüksək riskli sistemlərə nəzarət etmək üçün xüsusi komissiya yaradılacaq.
Tələbləri pozan şirkətlər cərimələnəcək. Onlar ümumi illik dövriyyənin faizi kimi müəyyən edilir.
Musavat.com
