"ATƏT Parlament Assambleyasının prezidenti Pia Kauma (Finlandiya) və ATƏT PA-nın Cənubi Qafqaz üzrə xüsusi nümayəndəsi Kari Henriksen (Norveç) Ermənistan Respublikasının Baş Naziri Ofisinin yaydığı birgə bəyanatı səmimiyyətlə alqışlayırlar".
Musavat.com xəbər verir ki, bu barədə ATƏT PA-nın rəsmi saytı məlumat yayıb.
"Azərbaycan Respublikasının Prezident Administrasiyası hər iki xalqın münasibətlərinin normallaşdırılmasına, suverenlik və ərazi bütövlüyü prinsiplərinə əsaslanan sülh müqaviləsinin əldə olunmasına birgə sadiqliyi nümayiş etdirməklə regionda davamlı sülh üçün tarixi addım atır" - deyə açıqlamada bildirilir.
“Mən Ermənistan Respublikası və Azərbaycan Respublikası liderlərinin iki ölkə arasında etimadın yaradılması üçün atdıqları bu qətiyyətli addımları yüksək qiymətləndirirəm. Xüsusilə, humanizm və xoşməramlılıq dəyərlərinə əsaslanan hər iki tərəfdən hərbi qulluqçuların azad edilməsi gələcək əməkdaşlıq üçün müsbət presedent yaradır. Ümid edirəm ki, bu, gələcək təşəbbüslər üçün ilham mənbəyi olacaq”, - Prezident Kauma bildirib.
“Bu birgə bəyanat və onunla bağlı əməli addımlar sülhə birgə sadiqliyi nümayiş etdirir. Bu, Cənubi Qafqazda bütün insanlar üçün davamlı sülh və təhlükəsizliyə doğru tarixi keçidi reallaşdıra bilər”, - deyə xüsusi nümayəndə Henriksen bildirib.
Hər iki hökuməti əlavə etimad quruculuğu tədbirlərini müəyyən etmək üçün müzakirələri davam etdirməyi və beynəlxalq ictimaiyyəti onların səylərini dəstəkləməyə çağıran prezident Kauma ATƏT Parlament Assambleyasının Ermənistan və Azərbaycan parlamentariləri arasında diplomatiya və dialoqu asanlaşdırmağa hazır olduğunu vurğulayıb.
Musavat.com
