Ermənistanın xarici işlər naziri Ararat Mirzoyan digər erməni diplomatların, keçmiş xarici işlər nazirlərinin Alma-Ata bəyannaməsinin Azərbaycanla sərhədin delimitasiyası üçün əsas ola bilməyəcəyi barədə fikirlərini şərh edib.
Musavat.com erməni mediasına istinadən xəbər verir ki, Mirzoyan bununla bağlı mayın 13-də İrəvanda ATƏT-in fəaliyyətdə olan sədri ilə birgə mətbuat konfransı zamanı danışıb.
“Qeyd etdiyiniz təcrübəli diplomatlar Ermənistan Respublikasının suveren ərazisinə hərbi təcavüz baş verən o günlərdə öz postlarını, səngərlərini tərk etmiş fərarilərdir. Bu məsələni dedikdən sonra bu adamlara, onların mövqelərinə münasibətdə zərrə qədər ciddi ola bilmərəm. Bu, ən yumşaq qiymətləndirmədir”, - deyə Mirzoyan qeyd edib.
Musavat.com
