"Fənərbağça"nın prezidenti Ali Koç baş məşqçi təyin olunan Joze Mourinyonun xərcini açıqlayıb.
Musavat.com xəbər verir ki, o, razılaşma prosesi ilə bağlı Halk TV-yə danışıb.
Koç Mourinyo və komandası ilə 12 milyon avroya anlaşdığını bildirib.
"Həm "Fənərbağça" klubu, həm də rəhbərlik olaraq onunla razılaşdıq. Sonra nə oldu? Digər klublar maraqlandı. O, Türkiyədən "Beşiktaş"la, Saadəddin Saran və Əziz Yıldırımla görüşdü. Biz bütün bunlardan əvvəl görüşdük".
“Transfer siyahımız və oyunçularımız bəllidir. Bəzi menecerlərimiz deyir ki, danışdığımız oyunçuları açıqlayaq, amma 3-5 səs artıq almaq üçün yarımçıq transferləri paylaşmayacağıq. Hazırda danışıqlar gedir”, - deyə klub rəhbəri bildirib.
Qeyd edək ki, "Fənərbaxça"nın prezidentliyə namizədi Əziz Yıldırım daha əvvəl Mourinyo ilə 15 milyon avroya anlaşdığını açıqlayıb.
Musavat.com
