Amerikalı döyüşçü, adı UFC-nin Şöhrət Zalına düşən Stefan Bonnar 45 yaşında dünyasını dəyişib.
Musavat.com-un Oxu.az-a istinadən xəbərinə görə, təşkilat adından onun ailəsinə və yaxınlarına başsağlığı verilib. Bildirilib ki, döyüşçünün ölümünə səbəb ürək problemləri olub.
Bonnar karyerası ərzində qarışıq döyüş növləri üzrə 24 döyüş keçirib, 15 qələbə və 9 məğlubiyyət qazanıb. Oun adı 2013-cü ildə UFC-nin Şöhrət Zalına daxil edilib. Amerikalı sonuncu döyüşünü 2014-cü il noyabrın 15-də keçirib və hakimlərin qərarı ilə Ortizə uduzub.
