Türkiyəli iş adamı Acun Ilıcalı Adnan Oktar təriqəti ilə əlaqələri barədə Ənvər Aysevərin "Youtube" kanalına açıqlamalar verib.
Musavat.com Türkiyə mediasına istinadən xəbər verir ki, 2018-ci ildə cinayət təşkilatı yaratmaq ittihamı ilə 8658 il həbs cəzası alan Adnan Oktarın arxivi üzə çıxıb.
Belə ki, o, qatıldığı bir proqramda Acun Ilıcalının yaxın dostlarından Esat Yontunç üçün "10-15 illik tələbəm" ifadəsini işlədib.
Adnan Oktarla eyni kadrda görüntülənən Acun Ilıcalıdan aylar sonra cavab gəlib.
Belə ki, şoumen 19-20 yaşlarında Adnan Oktarın yanında olduğunu etiraf edib.
Eyni zamanda o, sərvətinin Adnan Oktardan gəldiyinə dair iddialara cavab verib:
"19-20 yaşım var idi. Adnan hoca ilə anam rəhmətə gedəndən sonra 1,5-2 il görüşdüm. Sonra onları tərk etdim”.
Musavat.com
