ABŞ hakimiyyəti İrandan zənginləşdirilmiş uranı nüvə obyektlərindən kənara çıxarmamağı tələb edib.
Musavat.com xəbər verir ki, bu barədə "Axios"un jurnalisti Barak Ravid öz mənbələrinə istinadən məlumat yayıb.
Mənbənin bildirdiyinə görə, Ağ Evin xüsusi elçisi Stiv Uitkoff bazar ertəsi günü saziş layihəsinin mətninə nüvə məsələsinin yenidən daxil edilməsini nəzərdə tutan düzəlişlər siyahısını təqdim edib.
Sənəddəki əsas tələblərdən biri ondan ibarətdir ki, rəsmi Tehran danışıqlar davam etdiyi müddətdə zənginləşdirilmiş uranı zərbəyə məruz qalmış nüvə obyektlərindən daşımamaq və həmin ərazilərdə hər hansı fəaliyyəti bərpa etməmək barədə öhdəlik götürməlidir.
Musavat.com
