Qar fırtınası səbəbiylə ABŞ-ın Ohayo ştatında buz bağlayan yolda baş verən zəncirvari qəzada 46 avtomobil bir-birinə çırpılıb.
Musavat.com xəbər verir ki, dəhşətli qəzada 4 nəfər həyatını itirib.
ABŞ-da təsirli olan qar fırtınası həyatı iflic edib. Ohayo ştatında yerləşən və Çikaqo ilə Pitsburq arasında nəqliyyatı təmin edən Ohayo Turnpike yolunda buzlanma və görmə qabiliyyətinin azalması səbəbindən zəncirvari qəza baş verib. Ohayo ştatı polisinin verdiyi açıqlamaya görə, 46 avtomobil bir-biri ilə toqquşub və 4 nəfər ölüb. Yol hər iki istiqamətdə nəqliyyatın hərəkəti üçün bağlanıb. Yol 7 saatlıq işdən sonra nəqliyyatın hərəkətinə açılıb.
ABŞ-da davam edən qar fırtınası səbəbindən hava nəqliyyatında fasilələr davam edir. Ləğv edilən uçuşların sayı 5700-ü ötüb. Ölkənin böyük hissəsində təsirli olan fırtına şərqdə və Texasda 1 milyona yaxın ev və işi elektriksiz qoyub.
Musavat.com
