İnsanlara hürriyət, millətlərə istiqlal!

“20 Yanvar” stansiyasının keçidində olan ticarət köşkləri yığışdırılacaq? - RƏSMİ CAVAB

1320 05.11.2022 13:24 Ölkə A A

“Bakı Metropliteni” QSC metronun “20 Yanvar” stansiyasındakı keçiddə olan köşklərin yığışdırılması üçün aidiyyəti qurumlara müraciət edib.

Musavat.com xəbər verir ki, bunu report-a müsahibəsində “Bakı Metropoliteni” QSC-nin Baş mühəndisi Əlixan Osmanov deyib.

Ə.Osmanovun sözlərinə görə, həmin qurumlar metroya qane edici cavab verməyib.

"Yalnız metronun “20 Yanvar” stansiyasına gedən keçiddə belə bir ticarət köşkləri görə bilərsiniz. O keçid isə “Bakı Metropoliteni” QSC-nin ərazisinə daxil olmayan mülkiyyətdir. Amma digər stansiyalarda isə yalnız aptek və gül dükanları açılıb. Onlar isə gediş-gəlişə qətiyyən mane olmur.

Yəqin ki, əvvəlki illərdə metroda olan ticarət yerlərini görmüşdünüz. Az qalırdı sərnişinlər böyür-böyürə getsin.

“20 Yanvar” stansiyasına gedən keçiddəki ticarət köşkləri ilə də bağlı aidiyyəti üzrə müraciətlərimiz olub. Amma bizə sizi qane edəcək cavab gəlməyib. Bir sözlə bu, özəl mülkiyyətdir və onunla bağlı addım atmaq bizim səlahiyyətimiz deyil”, - QSC-nin Baş mühəndisi deyib.

 

Bizim partnyorlarımız

XƏBƏR LENTİ

BÜTÜN XƏBƏRLƏR