Ötən gün Xalq artisti Flora Kərimovanın jurnalist Ülviyyə Alovlu barəsində Apellyasiya Məhkəməsinə verdiyi şikayət təmin olunmayıb.
Musavat.com bildirir ki, bu barədə Ülviyyə Alovlu sosial şəbəkədə məlumat yayıb. Jurnalist Xalq artistinin bu dəfə də məhkəməni uduzduğunu qeyd edib:
"Flora Kərimova məni verdiyi Apellyasiya Məhkəməsində də növbəti dəfə uduzdu".
Xatırladaq ki, Xalq artisti Flora Kərimovanın təhqir və böhtanlardan şikayətinə əsasən, Ülviyyə Alovluya qarşı xüsusi ittiham qaydasında Cinayət Məcəlləsinin 147 və 148 maddələri ilə cinayət işi başlanılmışdı.
Xalidə Gəray
Musavat.com
