Yeni başlayan 2009-cu ildə dünyada hansı müharibələr və digər gözlənilməz hadisələr ola bilər? Britaniyanın “The Times” qəzetinin yazarı Maykl Binyon bu suala cavab axtararaq qeyd edir ki, ötən il baş verənlər heç kimin gizləmədiyi hadisələrin baş verə biləcəyini, siyasi liderlərin və hökumətlərin gözləmədikləri halda böhranlı vəziyyətlə üzləşəcəyini bir daha təsdiq edib.
Çoxlarının gözləntilərinin əksinə olaraq Azərbaycan hakimiyyəti xarici radioların ölkə ərazisində yayımını dayandırdı. Ötən ilin ikinci yarısında məhz bu məsələ ilə bağlı Azərbaycana çoxsaylı vizitlərin həyata keçirilməsi, xeyli çağırışların edilməsini əsas gətirən müşahidəçilər iqtidarın sonda güzəştə gedəcəyini güman etsələr də, yanıldılar.
2009-cu ilin siyasi cəhətdən aktiv olması ilə fərqlənəcəyi proqnozları verilir. Bu fikirdə olan ekspertlər hesab edir ki, ötən ilin sonlarından başlayan iqtisadi böhran, hakimiyyətin konstitusiyaya antidemokratik dəyişikliklər etmək planı və digər bir sıra faktorlar cəmiyyəti, xüsusilə də siyasi qüvvələri fəallaşdıracaq. Bu il bələdiyyə seçkilərinin də keçiriləcəyini nəzərə alsaq, siyasi aktivliyə bu faktın da impuls verəcəyi şübhəsizdir. Proseslərin cəmiyyətin, o cümlədən müxalifətin xeyrinə inkişaf etməsinin əsas şərtlərindən birinin partiyaların qarşıdakı bir il üçün proqramlarının olmasıdır.
Beynəlxalq çağırışlara məhəl qoymayan İsrail “Həmas” təşkilatına qarşı quru əməliyyatlarına başlayıb. Lakin təşkilat üzvləri dinc insanların yaşadığı ünvanlarda məskunlaşdığından Qəzza sektorunda ölən və yaralanan mülki şəxslərin sayı günbəgün artır.
İsrailin Fələstin torpaqlarında törətdiyi qətliam dünyanın bir çox ölkələrində kütləvi etiraz aksiyaları ilə müşayiət olunur. Müsəlman ölkələri ilə yanaşı Avropanın bir sıra dövlətlərində və ABŞ-da da on minlərlə insan küçələrə çıxaraq İsrail hökumətindən Qəzza zolağındakı dinc müsəlmanların qırğınına son qoymağı tələb edir.
Dekabrın 30-dan etibarən yağan qar Bakını iflic etdi. Yeni ilin ilk günlərində qarın təmizlənməməsi üzündən paytaxt küçələrində avtomobillərin və piyadaların hərəkəti əməlli-başlı müşkülə döndü. Sonrakı günlər isə şaxtalı havalar Bakı küçələrinin buz bağlamasına səbəb oldu. Bu səbəbdən paytaxtda hərəkətin gur olduğu ərazilərdə çoxsaylı nəqliyyat qəzaları baş verdi.
Barak Obamanın ticarət naziri vəzifəsinə təyin etdiyi Nyu-Meksiko qubernatoru Bill Riçardson bu postdan imtina edib. APA-nın məlumatına görə, Riçardsonun istefasına səbəb Nyu-Meksikoda bizneslə məşğul olan və yerli hökumətlə əməkdaşlıq edən şirkətdə yoxlamaların aparılmasıdır.
İsrail ordusu bir həftəlik şiddətli bombardmandan sonra bazar günü Fələstin anklavı olan Qəzza zolağına qurudan hücuma başlayıb. Eyni vaxtda dörd istiqamətdən bölgəyə yüzlərlə tank və zirehli texnikanın köməyi ilə hücum edən İsrail ordusunun bölmələrinə aviasiya, hərbi dəniz qüvvələri və artilleriya dəstək verir. Dünənə olan xəbərlərə görə, “Həmas” yaraqlıları ilə döyüşlərdən sonra İsrail əsgərləri Qəzza zolağını iki hissəyə ayırıb. Fələstin mənbələri quru əməliyyatları zamanı dinc sakinlər arasında onlarla ölən və yaralananların olduğunu bildirir. İsrail hərbi mənbələri döyüşlər zamanı 1 əsgərin öldüyünü, ikisi ağır olmaqla, 30-a yaxn əsgərin yaralandığını təsdiq edib.
“Turan” agentliyinə müraciət edən bir qadın bildirib ki, bu il yanvarın 2-də, gecə saat 01 radələrində evə gedərkən Yasamal rayonu ərazisində özlərini Bakı Şəhər Baş Polis İdarəsinin işçiləri kimi təqdim edən şəxslər tərəfindən zorla ağ rəngli “Jiquli 2107" markalı avtomobilə mindirilib. Daha sonra qadın keçmiş ”Qələbə" kinoteatrı ilə üzbəüzdə yerləşən arxiv idarəsinə aparılıb.
Dünən Xaçmaz və Şirvan rayonlarında qətl hadisəsi baş verib. Şirvan şəhərində baş verən hadisədə bir tələbə qətlə yetirilib. APA-nın yerli bürosunun xəbərinə görə, hadisə Şirvan şəhərindəki çayxanada baş verib. Şirvan Dövlət İqtisad və Humanitar Kollecinin tələbəsi, 1991-ci il təvəllüdlü Əzimov Nahid Vahid oğlu naməlum şəxs tərəfindən bıçaqlanıb. N.Əzimov döş qəfəsindən aldığı bıçaq yarasından ürəyinin zədələnməsi nəticəsində hadisə yerində dünyasını dəyişib. Məlumata görə, hadisəni tərədən şəxsin kimliyi araşdırılır.
Paytaxt 2009-cu ilə mənzil bazarında durğunluqla daxil oldu. Belə ki, ölkədə 2001-ci ilin 2-ci yarısından başlayan “tikinti bumu”, daşınmaz əmlak bazarında biznes uğurları 2008-ci ildə başa çatdı. Ötən il ev satan çox olsa da, alıcı qıtlığı yaşandı. Yaranmış iqtisadi vəziyyət əslində qiymətlərin aşağı düşməsini şərtləndirsə də, bu baş vermədi. Xatırladaq ki, hələ 2007-ci ilin son aylarında artan qiymətlər 2008-ci ilin ildə pik səviyyəyə çatmışdı. İlin sonuna isə təklif qiyməti “şərti” forma almışdı.
Kiyevin Təsərrüfat Məsələləri Məhkəməsi “Nefteqaz Ukrayna” dövlət şirkətinə 2009-cu ildə Rusiya qazının hər 100 km üçün 1000 kubmetr qazın 1,6 dollardan tranizitini qadağan edib. Bu barədə RİA Novosti agentliyi Ukraynanın Yanacaq və Energetika Nazirliyinin mətbuat xidmətinə istinadən məlumat yayıb. Bildirilir ki, məhz həmin nazirlik məhkəməyə iddia ərizəsi ilə müraciət ünvanlayıbmış.
İngiltərədə yaşayan türklər “Gündəlik Azərbaycan” və “Realnıy Azerbaydjan” qəzetlərinin baş redaktoru Eynulla Fətullayevin azadlığa buraxılması üçün Türkiyə prezidentinin vasitəçilik etməsini istəyir. Onların prezident Abdulla Gülə ünvanladığı müraciətdə Türkiyə dövlətinin nüfuzundan istifadə edərək həbsdə olan jurnalistin azadlığa çıxmasına səy göstərməsi xahiş edilir. Bu barədə bizə açıqlamasında E.Fətullayevin atası Emin Fətullayev məlumat verdi. Onun sözlərinə görə, oğluna olan diqqət bununla da məhdudlaşmayıb. Belə ki, baş redaktor bayram ərəfəsində 431 məktub və açıqca alıb.
Milli Televiziya və Radio Şurasının (MTRŞ) dekabrın 30-da xarici radiostansiyaların milli tezliklərdə yayımının dayandırılması ilə bağlı verdiyi qərarın səs-küyü hələ davam edir. “Amerika Birləşmiş Ştatları xarici radioların Azərbaycanda yayımının bərpasında qərarlıdır”. Bunu Amerika səfirinin müvəqqəti işlər vəkili cənab Don Lu “Azadlıq” radiosuna müsahibəsində deyib.
“Tümər Mətinin ”Bakı"ya transferi məsələsi hələ açıq qalıb. Hər şey klubun vitse-prezidenti Tunc Avşarın Bakıya dönüşündən sonra bilinəcək". Bu sözləri qol.az saytına açıqlamasında “Bakı”nın vitse-prezidenti Zeynal Məmmədov söyləyib. Z.Məmmədov Tunc Avşarın Tümər Mətinə görə 500 min avro ödəməyə hazır olmaları ilə bağlı fikirlərinə münasibət bildirərkən deyib ki, onların bu qədər pulu ödəməsində problem yoxdur.
“Qarabağ”ın baş məşqçisi Qurban Qurbanov qol.az saytına müsahibə verib. Həmin müsahibəni təqdim edirik.
Milli Məclisin bir qrup qadın deputatı telekanallarda milli-mənəvi dəyərlərə zidd verilişlərin yayımına etiraz əlaməti olaraq tədbirlər keçirir. Qeyd edək ki, bu məsələ parlamentin son iclasında millət vəkilləri Gülər Əhmədova və Aynur Quliyeva tərəfindən qaldırılıb. Xanım deputatlar təklif edir ki, şou-biznesə dair qanunvericilikdə xüsusi qaydalar tətbiq olunsun. Bununla əlaqədar dekabrın sonlarında xanım deputatlar brifinq də keçiriblər. Bu məsələ ötən həftənin birinci günü ATV kanalında efirə gedən “El içində” verilişində də geniş müzakirə olundu.
Bəzi telekanallar bayram ərəfəsində Röya Ayxanın yarıçılpaq şəkillərini nümayiş etdirdi, meyxana ifaçısı Namiq Qaraçuxurlu müğənni barəsində xoşagəlməz ifadələr işlətdi. Hətta şou-proqramların birində Röya türk müğənnisi Ebru Gündəşlə müqayisə olunaraq, bir neçə il öncə türk müğənnisinin hərəkətlərini Röyanın indi təlqin etməsi də vurğulandı. Əldə etdiyimiz məlumata görə, müğənniyə qarşı bu kampaniyanın aparılması qayınatası, “Çudopeçka” Mağazalar Şəbəkəsinin sahibi Çingiz Cəlilovun sifarişidir.
