Yeni məktəbli formalarının qiymətləri müəyyənləşib və satışına başlanılıb.
Bu barədə Bakı Tikiş Evinin satış müdiri Etibar Əzimov bildirib.
O qeyd edib ki, satış bu gün səhər saatlarından başlayıb.
Etibar Əzimov əlavə edib ki, polo köynəklərin qiyməti 14 manat, şalvar və ətəklər isə 25 manatdır:
“Artıq bir neçə valideyn övladlarına geyim alıb. Biz bu il iki rəngdə, tünd-göy və boz rəngdə geyimlər hazırlamışıq. Geyimlər bu il yalnız 1-4-cü siniflər üçündür. Şagirdlər əvvəlki illərdəki formalarını da geyinə bilərlər”.
Hazırda satış yalnız Bakı Tikiş Evindədir, bir neçə gün sonra isə “Bravo” marketlər şəbəkəsində də satış başlayacaq.
