Bir sıra sənaye sahələrində işçi qüvvəsi çatışmazlığı səbəbindən MDB-yə daxil olmayan ölkələrdən Rusiyaya miqrasiya axını artır.
Musavat.com xəbər verir ki, bu barədə Rusiyada çıxan “Nezavisimaya qazeta” nəşri yazıb.
Yazıda bildirilir ki, ilk növbədə tropik ölkələrdən gələn əmək miqrantlarının yeni dalğasının ekzotik xəstəliklərin daşıyıcısı ola biləcəyini istisna etmək olmaz. Təəssüf ki, bütün qanunlara baxmayaraq, Rusiya Federasiyasına gələnlərin sağlamlıq vəziyyətinə hələ də effektiv nəzarət yoxdur, lakin hər şeyin qaydasında olduğunu bildirən bir sertifikat əldə etmək asan və ucuzdur.
Rusiya işəgötürənləri MDB ölkələrindən əmək resurslarının axınının azalmasını Afrika və Asiya ölkələrindən olan işçilərlə kompensasiya etməyə hazırdırlar. Məsələn, tezliklə Sverdlovsk vilayətinə Hindistan və Pakistandan olan miqrantlar gələcəyi gözlənilir. Rusiya ilə Keniya arasında 10 min işinin göndərilməsi barədə razılaşma var. Afrikalılar üçün Rusiyada onlarla qəzəbə tikmək planları mövcuddur. Pilot layihələr yəqin ki, Moskva və Tver vilayətlərində həyata keçiriləcək.
Hakimiyyətdən miqrasiya axınının azaldılmasını tələb edən ictimai fəallar indi endemik ölkələrdən gələn miqrant işçilərin müxtəlif ekzotik xəstəliklərin daşıyıcısı ola biləcəyindən qorxurlar. Məsələn, cüzam kimi də tanınan lepra xəstəliyi Rusiyada rəsmi olaraq məğlub sayılsa da, onun tropik bölgələrdən gətirilməsini istisna etmək olmaz. İnkubasiya dövrü mərhələsində hər cür qızdırmalar Rusiyaya sıza bilər. “Ebola, Marburq, Lassa, Şərqi və Cənubi Afrikada geniş yayılmış HİV infeksiyası da unudulmamalıdır”, - yazıda qeyd olunur.
Ekspertlər ziyarətçilər arasında xəstəliklərin aşkarlanması üçün mövcud bürokratik tədbirlərin aşağı effektivliyini tənqid ediblər. Bəzi əcnəbilər xəstəlikdən xəbəri olsa belə, ya lazımi sənədləri saxtalaşdırır, ya da blankları işəgötürənlərin köməyi ilə əldə edirlər.
Musavat.com
