UEFA 2025/26 mövsümü üzrə Çempionlar Liqasının fərdi mükafat sahiblərini açıqlayıb.
Musavat.com xəbər verir ki, qurumun qərarına əsasən, Gürcüstan millisinin və PSJ-nin futbolçusu Xviça Kvaratsxeliya mövsümün ən yaxşı oyunçusu seçilib.
UEFA Texniki Müşahidəçilər Qrupu gürcü hücumçunun turnir boyu göstərdiyi sabit və məhsuldar çıxışı yüksək qiymətləndirib. Kvaratsxeliya komandasının uğurlarında mühüm rol oynayan futbolçulardan biri olub.
"Mövsümün kəşfi" mükafatı isə Türkiyə millisinin və Real Madrid-in
yarımmüdafiəçisi Arda Gülərə təqdim edilib. Gənc futbolçu Çempionlar Liqasında nümayiş etdirdiyi oyunla diqqət çəkərək Avropa futbolunun ən perspektivli simalarından biri kimi ön plana çıxıb.
Beləliklə, UEFA-nın mövsüm yekunlarına dair ən nüfuzlu fərdi mükafatları Gürcüstan və Türkiyə futbolunun iki parlaq nümayəndəsinə qismət olub.
Musavat.com
