“Rusiya Donbasdakı əməliyyatların intensivliyini artırıb. Çünki Severodonetsk, Lişansk və Rubijneni mühasirəyə almağa çalışır”.
“Report” xəbər verir ki, bu barədə Böyük Britaniya Müdafiə Nazirliyinin kəşfiyyat məlumatında qeyd olunub.
“Ukrayna müdafiə qüvvələri güclü müqavimət göstərə bilir. Bununla belə, Rusiya Silahlı Qüvvələri artilleriya bölmələri sayəsində müəyyən lokal uğur əldə edə bilib. Hazırda Rusiyanın əsas səyləri Severodonetsk xəttini ələ keçirməyə yönəlsə də, bu, sadəcə Donbası ələ keçirmək məqsədinin tərkib hissəsidir”, - məlumatda bildirilib.
