Tatarıstanda miqrantlar Naberejnıye Çelnı şəhərinin sakinləri ilə kütləvi dava ediblər. Musavat.com yerli mediaya istinadla xəbər verir ki, hadisənin videosunu “Tin of Kazan” Telegram kanalı yayıb.
Görüntülərdə onlarla insanın yaşayış binasının həyətində dava etdiyi görünür. Döyüş tez bir zamanda ayrı-ayrı epizodlara bölünür, onlardan birində bir neçə nəfər yüksək qışqırıqlarla qaçanları təqib edir.
İstintaq Komitəsi artıq hadisəyə münasibət bildirib. Əcnəbilərin iştirakı ilə baş verən kütləvi dava ilə bağlı xuliqanlıq maddəsi ilə cinayət işi açılıb. İK rəhbəri Aleksandr Bastrıkin hadisənin baş vermə şəraiti ilə bağlı hesabat tələb edib.
Bundan əvvəl Krasnodarda yerli sakinlər uşaq meydançasında qalmaqalla bağlı miqrantlarla dava ediblər. Səbəb kimi uşaqlar üçün ayrılmış ictimai yerin əcnəbilərin zəbt etdiyi iddia edilib.
Onu da qeyd edək ki, mart ayından bəri Rusiyanın, demək olar ki, bütün şəhərlərində miqrantlarla yerli sakinlər arasında münasibətlər olduqca gərgindir və az qala hər gün dava-dalaşlar olur.
Musavat.com
