“İstanbuldakı terror aktına çox sərt cavab verəcəyik”.
Msuavat.com Türkiyə mediasına istinadən xəbər verir ki, bunu Türkiyənin daxili işlər naziri Süleyman Soylu jurnalistlərə açıqlamasında deyib.
O bildirib ki, kəşfiyyat məlumatlarına əsasən məlum olub ki, terror aktını sifariş edən şəxslər terroçu Ahlam Albashırı öldürməyi planlaşdırırmış: "Amma biz onu ələ keçirməyi bacardıq. Son 6 ildir İstanbulda belə hadisə baş verməmişdi".
Türkiyənin daxili işlər naziri qeyd edib ki, terrorçulara qarşı mübarizə davam edəcək.
S.Soylunun sözlərinə görə Ahlam Albashırın öldürülməsi ilə bağlı əmr verən şəxs də saxlanılıb: “Bəlkə də, terrorçular məyus olacaq. Amma deməliyəm ki, daha bir neçə əməliyyat nəzərdə tutumuşuq. Əməliyyatlarımız davam edəcək”.
Musavat.com
