“Bizdə olan qeyri-rəsmi məlumatlara görə, dövlət qurumlarında narkotik testindən keçməyən və narkotikə qurşanan şəxslər var. Biz bunun qarşısını almalıyıq”. Bunu Milli Məclisin deputatı Fazil Mustafa parlamentin bu gün keçirilən iclasında deyib."Onlar kifayət qədər səlahiyyətli mövqelərə sahibdirlər. Bir narkomanın hər hansı posta olması o deməkdir ki, o, narkotiklərin yayılmasında xüsusi rol ala bilər. Hesab edirəm ki, bu məsələdə total dövlət nəzarəti həyata keçirilməlidir", - deputat qeyd edib.
ABŞ Prezidenti Co Bayden Ukraynaya səfərə getməyə hazır olduğunu bildirib. ABŞ Prezidenti bunu təyyarəyə minməzdən qabaq jurnalistlərə bildirib.
Dövlət başçısı jurnalistlərə cavabında Ukraynaya şəxsən getməyə hazır olduğunu deyib.
Rusiya Müdafiə Nazirliyinin Radioelektron Mübarizə qoşunlarının rəhbəri, general-leytenant Yuri Lastoçkin mobil telefonların NATO ölkələrinin xüsusi xidmət orqanları tərəfindən dinlənildiyini açıqlayıb. Bu barədə “Report” “Krasnaya Zvezda” qəzetinə istinadən xəbər verir.
O qeyd edib ki, NATO-ya üzv ölkələrin kəşfiyyat qurumları aktiv şəkildə mobil abunəçilərin danışıqlarına qoşulur, söhbətləri dinləyir və lazım gəldikdə onları bloklayır. "Xarici kəşfiyyat mütəxəssisləri yalan məlumatlar göndərməklə dezinformasiya (abunəçilərə - red.) vermək imkanı əldə edirlər", - o deyib.
Generalın sözlərinə görə, Şimali Atlantika Alyansı ölkələrinin xüsusi xidmət orqanları bu məqsədlə yalançı baza stansiyalarından istifadə edir. Lastoçkin qeyd edib ki, alimlər problemin həllinə qoşulublar. Onlar abunəçilərin məlumatlarına icazəsiz girişin qarşısını almaq üçün sistem yaradıblar. Mütəxəssislər saxta baza stansiyası tapa və məlumat sızmasının texniki kanalını bloklaya bilərlər.
Bu əməliyyatlardan sonra mobil operatorun qanuni baza stansiyası ilə əlaqə bərpa olunur. O cümlədən 2G, 3G və 4G siqnalları bərpa edilir.
Bu və gündəmdəki digər xəbərləri Real Partiyasının icra katibi Natiq Cəfərli ilə müzakirə edirik. Müzakirədə tamaşaçılarımız da iştirak edə bilər.
Facebook səhifəsinin ünvanı:
https://www.facebook.com/tvmusavat
Youtube səhifəsinin ünvanı:
https://www.youtube.com/user/TVmusavat
Musavat.com
