Soçi Nyu-Yorku keçərək dünyanın ən yüksək lüks mənzil qiymətlərinə malik üç şəhəri sırasına daxil olub.
Musavat.com xəbər verir ki, bu barədə NF Group-un araşdırmasında bildirilib.
Reytinq dünyanın məşhur bazarlarında bir milyon dollara neçə kvadratmetr yeni lüks mənzilin alına biləcəyini hesablayan The Wealth Report 2023-ün məlumatlarına əsaslanır. 2022-ci ilin sonunda Monako birinci yerdə olub, burada göstərilən məbləğə 17 “kvadrat” almaq mümkündür. Honq Konq isə ikincidir. İlk üçlüyü 29 “kvadrat”la Soçi qapayıb. 1 milyon dollara Nyu-Yorkda üç kvadrat metr daha çox yer almaq olar.
Şirkətin proqnozuna görə, 2023-cü ildə Soçi Rusiyada dəbdəbəli ev alıcıları arasında əsas tələbat şəhəri olaraq qalacaq. 2022-ci ildə kurort şəhərində 70-ə yaxın lüks mənzil satılıb ki, bu da 2021-ci ilin rekord nəticəsindən 42 faiz aşağıdır. Bir "kvadrat"ın orta dəyəri 2,4 milyon rubl təşkil etdi, qiymət diapazonu 1,4 ilə 4,2 milyon rubl arasında dəyişir. NF Group-un partnyoru Olqa Şirokovanın sözlərinə görə, rusların dünya üzrə hərəkətinə məhdudiyyətlər və digər amillər fonunda Soçidə tələbatın artması üçün ilkin şərtlər var, lakin dəbdəbəli daşınmaz əmlakın çox yüksək qiymətləri alış marağını əngəlləyəcək. Rusiya vətəndaşlarının Dubay və Türkiyədəki daşınmaz əmlaklara tələbatı da böyükdür.
Musavat.com
