“Ermənistanda müxalifət yaxın vaxtlarda küçə döyüşlərinə başlaya bilər”.
Musavat.com erməni mediasına istinadən xəbər verir ki, bunu jurnalistlərə müsahibəsində Ermənistan parlamentində “Hayastan” fraksiyasından olan deputat, “Daşnaksütyun” partiyasının nümayəndəsi İşxan Saqatelyan deyib.
“Biz qüvvələri birləşdirməliyik, gündəmi dəyişməliyik və bunlardan (hakimiyyətdən) qurtulmalıyıq ki, ölkəni xilas edə bilək. Müxalifətin küçə mübarizəsindən əl çəkib klassik müxalifətə çevrildiyi, özünü parlament fəaliyyəti ilə məhdudlaşdırdığı andan öz əsas gündəliyindən, hədəfindən uzaqlaşacaq. Biz bu vəziyyətə dözmək və növbəti seçkilərə hazırlaşmaq fikrində deyilik, çünki növbəti seçkilərə qədər ölkəmizdən heç nə qalmayacaq”, - deyə İşxan Saqatelyan bildirib.
Musavat.com
