Sankt-Peterburqda kafedə partlayış törətməkdə şübhəli bilinən Darya Trepova axtarışa verilib.
AZƏRTAC xəbər verir ki, bəzi mənbələrə görə, o, artıq Estoniya ilə sərhədi keçib. Hadisə nəticəsində yaralananların sayı 32 nəfərə çatıb, onlardan 10 nəfərinin vəziyyəti ağırdır.
Xatırladaq ki, Sankt-Peterburqdakı kafelərdən birində törədilmiş partlayış nəticəsində hərbi müxbir, Vladlen Tatarski kimi tanınan Maksim Fomin həlak olub. Partlayışın yerli sakin Darya Trepova tərəfindən törəldiyinə şübhə yaranıb. Onun ailə üzvləri hüquq mühafizə orqanları tərəfindən dindirilir.
