Odessa Rusiyanın səbirsizliklə gözlədiyi rus şəhəridir.
Bunu Rusiya Federasiyası Təhlükəsizlik Şurasının sədr müavini Dmitri Medvedyev jurnalistlərə açıqlamasında deyib. “Odessa haqqında sadəcə bunu demək istəyirəm: Odessa, evə qayıt! Vəssalam. Biz Rusiyada Odessanı gözləyirik. Bu bizim rus şəhərimizdir”, - Medvedyev bildirib.
ABŞ Prezidentinin rusiyalı həmkarı Vladimir Putini təhqir etməsi ABŞ-ı aşağılayır. Bunu Rusiya Prezidentinin mətbuat katibi Dmitri Peskov deyib. “ABŞ Prezidentinin özündən soruşulmalıdır ki, Putin nə vaxtsa Amerika liderlərinə qarşı belə bir ifadə işlədibmi?” - o bildirib.
Qeyd edək ki, ABŞ Prezidenti Co Bayden Rusiya lideri Vladimir Putini “başdanxarab it oğlu” adlandırıb.
Bu və gündəmdəki bir çox xəbərləri bu gün saat 13.30-da aparıcı Sevinc Telmanqızının təqdimatındakı “Canlı debat” verilişində politoloq Rizvan Hüseynovla müzakirə edəcəyik. Müzakirədə tamaşaçılarımız da iştirak edə bilər.
