Rusiyanın Leninqrad vilayətində yerləşən “Kirişinefteorqsintez” Neft Emalı Zavodu Ukrayna dronlarının hücumu nəticəsində fəaliyyətini qismən dayandırıb.
Musavat.com xəbər verir ki, “Reuters” agentliyinin məlumatına görə, zavodun əsas istehsal obyektlərindən biri — ilkin neft emalı qurğusu CDU-6 sıradan çıxıb.
Mənbənin bildirdiyinə görə, bu qurğu sutkada 160 min barel neft emal gücünə malikdir və zavodun ümumi istehsal gücünün təxminən 40 faizini təşkil edir.
Hadisə 4 oktyabr gecəsi baş verib. Hücum nəticəsində baş vermiş yanğından sonra zavodun mühüm texnoloji hissələrində ciddi zədələnmələr qeydə alınıb.
Hazırda zərərin aradan qaldırılması istiqamətində işlər aparılır. Rəsmi məlumatlara əsasən, CDU-6-nın tam bərpası və işə salınması üçün təxminən bir ay vaxt tələb olunacaq.
Musavat.com
