Ukrayna dronlarının neft emalı zavodlarına silsilə hücumlarından sonra Rusiyada benzin istehsalı kəskin şəkildə azalıb.
Musavat.com xəbər verir ki, martın 24-də başa çatan cəmi bir həftə ərzində ölkədə avtomobil yanacağının istehsalı 7,4 faiz azalıb.
Üç həftə ərzində iqtisadiyyat benzin istehsalının 10,1 faizini itirib. Martın sonunda benzin istehsalı yanvarın əvvəli ilə müqayisədə artıq 14 faiz, dizel istehsalı isə 7 faiz azalıb.
"Reuters" yazır ki, hazırda Rusiya neft emalı zavodlarında ilkin neft emalı gücünün 14 faizi fəaliyyətsizdir, bunun da təxminən 10%-i daxili bazar üçün benzin və dizel yanacağı istehsal edən zavodlardadır.
Neft emalı zavodlarının orta aylıq itkiləri təxminən 0,7 milyon ton benzin və 1,1 milyon ton dizel yanacağıdır. Martın 13-də Moskva və regionu (həmçinin hərbçiləri) yanacaqla təmin edən Ryazanda ən böyük “Rosneft” neft emalı zavodu PUA ilə vurulub. Yanğından sonra zavodda iki aqreqat fəaliyyətini dayandırıb, nəticədə benzin istehsalı üçdə bir, dizel yanacağının istehsalı isə yarıdan çox azalıb. Martın 16-da PUA-nın hücumu səbəbindən Sızran neft emalı zavodunda işləyən yeganə neft emalı bloku alov aldı və ötən həftənin sonunda Rosneft Kuybışev Neft Emalı Zavodu tərəfindən iki neft emalı blokundan biri bağlandı. Hələ martın əvvəlində Nijni Novqorodda qəzaya görə 2024-cü ilin əvvəlindən tam gücü ilə işləməyən “Lukoyl” neft emalı zavoduna hücum edilib.
Musavat.com
