ABŞ kriptovalyuta vasitəsilə iqtisadi sanksiyalardan yayınmağa qarşı mübarizəni gücləndirmək niyyətindədir.
Bu barədə ABŞ Senatında dinləmələrdə çıxış edəcək maliyyə nazirinin birinci müavini Adeval Adeyemonun bəyanatında deyilir.
O, xüsusilə qanunvericilərə ABŞ Maliyyə Nazirliyinin sanksiyalardan yayınma və terrorizmin maliyyələşdirilməsi ilə mübarizə sahəsində mövcud qanunvericiliyin sərtləşdirilməsi ilə bağlı təkliflərinə baxılması xahişi ilə müraciət edib. Bu cür təkliflərə “qanunsuz maliyyələşdirməni asanlaşdıran rəqəmsal aktivlərin xarici provayderlərini hədəf alan ikinci dərəcəli sanksiyalar vasitəsinin tətbiqi” daxildir.
Adeyemonun sözlərinə görə, Xəzinədarlıq artıq sanksiyaya məruz qalan qurumlarla işləyən xarici qurumların müxbir hesablarının açılmasını və əməliyyatlarını qadağan etmək səlahiyyətinə malikdir və onun fikrincə, bu, ABŞ-a “Rusiya, İran və Şimali Koreyaya qeyri-qanuni maliyyə axınını dayandırmağa imkan verir”. Bununla belə, o qeyd edib ki, xarici kriptovalyuta birjalarının müxbir hesabları yoxdur, ona görə də Maliyyə Nazirliyinə yeni alətlər lazımdır.
Adeyemo həmçinin qeyd edib ki, Rusiya ABŞ sanksiyalarından yan keçmək üçün kriptovalyutadan, o cümlədən stabilkoinlərdən (qızıl, neft və s. kimi ənənəvi qiymətli aktivlərlə dəstəklənən kriptovalyuta) istifadə etməyə başlayıb.
Musavat.com
