Çin Rusiyanın əsas tərəfdaşı olacaq və ölkə iqtisadiyyatına dolların təsirini yuan əvəz edəcək.
AZƏRTAC xəbər verir ki, bu fikirləri Rusiyanın “Sberbank” Bankının İdarə Heyətinin sədri German Qref Şərq İqtisadi Forumunda jurnalistlərə söyləyib.
O bildirib ki, Rusiyanın Şərqin iri ticarət tərəfdaşlarından, ilk növbədə Çindən asılılığı artacaq, eyni zamanda, dollar və avronu yuan əvəz edəcək.
Qeyd edək ki, “Sberbank” artıq Çin valyutası yuan və Hindistan rupisi ilə kreditlər verməyə başlayıb.
