Ukraynada şərq və cənub-şərq istiqamətində ağır döyüşlər davam edir. Ekspertlərin fikrincə, Mariupol məsələsi bitmiş sayıla bilər, rusların hərbi aktivliyinin növbəti əsas istiqamətləri yəqin ki Xerson, Xarkov və Nikolayev olacaq.
Luqansk vilayətində Ukrayna ordusu liviyalı və suriyalılardan ibarət dəstəni məhv edib. Bunu Ukrayna Milli Təhlükəsizlik və Müdafiə Şurasının katibi Aleksey Danilov deyib.
“Bu gün bizdə məhz Luqansk vilayətinin Popasnaya şəhərində məhv edilmiş insanların fotoları var. Burda tərkibində 20-25 nəfər suriya və liviyalılardan ibarət dəstə tamamilə məhv edilib”, - o bildirib.
“Rusiya Ukraynadan danışıqlar prosesi çərçivəsində təkliflərinə cavab gözləyir”. Kremlin mətbuat katibi Dmitri Peskov bildirib.
“Bizim ən son versiyadakı təkliflərimiz rəqiblərimizə, Ukrayna danışıqlar heyətinə verildi. Cavab gözləyəcəyik. Baxmayaraq ki, biz sizinlə prezident Zelenskinin heç bir mətni almadığı və görmədiyi barədə bəyanatını eşitmişik. Bu da müəyyən suallar doğurur: niyə prezident Zelenskiyə bizim təkliflərimiz barədə məlumat verilmir”, – deyə Kremlin sözçüsü vurğulayıb.
Qeyd edək ki, Rusiya tərəfi təkliflərlə bağlı sənəd layihəsini aprelin 15-də Ukrayna tərəfinə təhvil verdiyini açıqlayıb. Ukrayna prezidenti Zelenski isə Rusiyanın təklifini hələ görmədiyini bildirib.
TVMusavat-ın saat 15:30-da canlı yayınında “Həftə içi” verilişinin qonağı professor Qabil Hüseynli ilə Ukraynadakı prosesləri müzakirə edirik. Müzakirədə tamaşaçılarımız da iştirak edə bilər.
Facebook səhifəsinin ünvanı:
https://www.facebook.com/tvmusavat
Youtube səhifəsinin ünvanı:
https://www.youtube.com/user/TVmusavat
Musavat.com
