“Düzdür, kredit götürmüşük”. Bunu Qaynarinfo-ya açıqlamasında Azərbaycan Yazıçılar Birliyinin sədri Anar Rzayev qurumun növbəti qurultayının keçirilməsi üçün kredit götürülməsi ilə bağlı məlumata aydınlıq gətirərkən deyib.
Qeyd edək ki, bu barədə ilk informasiya Musavat.com-un bugünkü buraxılışında dərc olunan "AYB qurultay keçirmək üçün kredit götürüb? - sensasiyalı iddia" (https://musavat.com/news/ayb-qurultay-kecirmek-ucun-kredit-goturub-sensasiyali-iddia_927483.html) başlıqlı yazıda yer alıb. Ancaq xəbər rəsmən təsdiq olunmamışdı.
AYB sədri Anar Rzayev bu gün qurultayın keçirilməsinə maliyyə lazım olduğunu bildirib: “Bəli, kredit götürmüşük. Çünki bizə pul lazım idi. Pul ayırıblar, amma həmin maliyyə hesaba yatmayıb. Onun üçün də kredit götürdük. Pul hesaba yatandan sonra həmin maliyyə ilə də banka olan borcumuzu bağlayacayıq”.
Anar Rzayev hazırda Bakıda olmadığını vurğulayıb.
Qeyd edək ki, mətbuatda Yazıçılar Birliyinin növbəti qurultayının keçirilməsi üçün kredit əldə etdiyini bildirlib. Yazıçılar Birliyinin mətbuat katibi Xəyal Rza isə kredit alınması barədə məlumatın həqiqəti əks etdirmədiyini deyib.
