Qəzza bölgəsində uzun sürən gərginlikdən sonra atəşkəs əldə edilib.
Musavat.com xəbər verir ki, dağıntılar və itkilər yaşayan bölgə əhalisi, nəhayət, rahat nəfəs almağa başlayıb. Atəşkəs xəbərinin yayılması ilə insanlar küçələrə çıxaraq sevinc içində bir-birini təbrik edib, sülh çağırışları səsləndiriblər.
Məscidlərdə dualar oxunub, uşaq səsləri küçələri bəzəyib. Sakinlər bu atəşkəsin davamlı olacağına və normal həyatlarına geri dönəcəklərinə ümid etdiklərini bildiriblər. İnsanlar sülh və birgəyaşayış mesajları veriblər.
Beynəlxalq ictimaiyyət də bölgədə atəşkəsin bərqərar olmasını alqışlayaraq, tərəfləri dialoqa və qalıcı sülhə çağırıb.
Qeyd edək ki, uzun müddətdir davam edən qarşıdurmalar Qəzzada ciddi humanitar böhrana səbəb olmuşdu.
Musavat.com
