Cari ilin yanvar-iyun aylarında qeyri-neft sektorunun özəl bölməsindən vergi daxilolmaları 35%-dən çox artıb.
"APA-Economics" xəbər verir ki, bunu Prezident İlham Əliyevin sədrliyi ilə bu ilin altı ayının yekunlarına həsr olunan müşavirədə çıxış edərkən iqtisadiyyat naziri Mikayıl Cabbarov deyib. Onun sözlərinə görə, özəl bölmənin qeyri-neft-qaz vergi daxilolmalarında xüsusi çəkisi 75%-i üstələyir.
"Paralel olaraq məcburi dövlət sosial sığorta haqları üzrə daxilolmaların proqnozu 112%, işsizlikdən sığorta haqları üzrə 118% və icbari tibbi sığorta haqları üzrə 107% icra edilib",- deyə Mikayıl Cabbarov qeyd edib.
