Qətər Avropaya mayeləşdirilmiş təbii qaz tədarükünü təxirə salır.
Musavat.com "Bloomberg"in mənbələrə istinadən yaydığı məlumata görə, bu, Qırmızı dənizlə daşımaların mümkün olmaması üzündən daha uzun məsafənin qət edilməsi nəticəsində xərclərin artması ilə bağlıdır.
Agentlik qeyd edir ki, Doha avropalı müştərilərə çatdırılmaların gecikməsi və vaxtının dəyişdirilməsi barədə məlumat verib. Vəziyyət "müqavilə öhdəliklərini yerinə yetirmək üçün logistikada dəyişikliklərə, tədarüklərin uzaqdan yönləndirilməsinə və diqqətin Avropa ölkələrinə daha yaxın olan mallara yönəlməsinə" gətirib çıxarır.
Bloomberg-in məlumatına görə, yanvarın 15-dən Qətər Avropaya gedən təxminən altı gəmini daha uzun bir marşruta (Afrikanın cənubundakı Ümid burnu vasitəsilə) istiqamətləndirib. ICIS konsaltinq şirkəti Britaniyaya çatdırılma nümunəsində marşrutların dəyişdirilməsinin təxminən doqquz günlük gecikməyə səbəb olduğunu vurğulayır.
Musavat.com
