Rusiya Xarici İşlər Nazirliyinin (XİN) rəsmi nümayəndəsi Mariya Zaxarova Qərb dövlətlərini Ukraynanı öz maraqlarına xidmət etmək üçün müstəmləkəyə çevirmək niyyətində olmaqda ittiham edib.
Musavat.com Rusiya mediasına istinadla xəbər verir ki, onun sözləri diplomatik departamentin Telegram kanalında dərc olunub.
“Kollektiv Qərb nə Ukraynanın, nə Ukrayna xalqının, nə sənayenin, nə iqtisadiyyatın, nə də kənd təsərrüfatının taleyi ilə qətiyyən maraqlanmır”, - Zaxarova qeyd edib.
Bundan əvvəl Zaxarova bildirib ki, amerikalılar vaxtilə qüdrətli iqtisadi mərkəzə çevrilmiş Avropa İttifaqını və ona üzv olan ölkələri təkcə öz peyklərinə deyil, həm də, Qədim Romada hökmdarların etdiyi kimi, onları müstəqillikdən tamamilə məhrum edərək, ABŞ prezidenti Co Baydenin şəxsi dostlarına çeviriblər.
Musavat.com
