Ötən gecə Taylandın Banqkok şəhərindəki Rong Beer Na Lat Phrao pabında dəhşətli yangın baş verib.
Musavat.com Associated Press-ə istinadən xəbər verir ki, yanğında ən azı 27 nəfər həlak olub. Yerli hakimiyyət orqanlarının məlumatına görə, 22-si ağır vəziyyətdə olmaqla, 63 nəfər xəstəxanaya yerləşdirilib. Ölənlərin çoxu zəhərli tüstüdən boğulub. Sosial mediada alovlar sönərkən panikaya düşmüş insanların pabın qapısından qaçdığını göstərən videolar paylaşılır.
Yanğının dəqiq səbəbi məlum deyil. Pabda çıxış edən bir musiqiçi, işıqlar sönməzdən əvvəl səhnənin yaxınlığındakı elektrik açarından tüstü çıxdığını, ardınca partlayış səsi eşidildiyini və otağın tez bir zamanda qatı tüstü ilə dolduğunu bildirib.
"Yanğın çox sürətlə yayılaraq tavana çatıb. Ölümün əsas səbəbi, ehtimal ki, tüstüdən nəfəs almaqdır", - deyə Banqkok qubernatoru Çadçart Sittipunt jurnalistlərə bildirib.
Sittipuntun sözlərinə görə, binanın içərisində, yanğın çıxışının qarşısında bəzi cəsədlər tapılıb, yanğın çıxışı hədənsə bağlı olub. Yanğın baş verən zaman içəridə olan insanların dəqiq sayı hələ məlum deyil.
Facebook səhifəsinə görə, Rong Beer Na Lat Phrao pabında 300-dən çox insan yerləşə bilirdi və dörd yanğın çıxışı var idi.
Musavat.com
