Dünyanın ən böyük çip istehsalçılarından biri olan Nvidia Microsoft-u geridə qoyaraq dünyanın ən dəyərli şirkəti olub. Musavat.com xəbər verir ki, bu barədə Reuters ticarət məlumatlarına istinadən məlumat yayıb.
Nividia-nın səhmləri biu günkü hərraclarda 3,2 faiz bahalaşaraq 135,21 dollara çatıb. Nəticədə çip istehsalçısının bazar kapitallaşması 3,33 trilyon dollar təşkil edib.
İyunun 12-də “The Wall Street Journal” qəzeti Apple-ın Microsoft-u keçərək ölkənin ən dəyərli şirkəti olduğunu yazıb.
Əvvəllər bildirilmişdi ki, Microsoft, Nvidia və Apple-ın dəyəri 2000-ci ildən bəri ilk dəfə S&P 500 indeksini təşkil edən yüzlərlə digər şirkətin birləşmiş səhmlərinin dəyərinin 20 faizdən çoxunu təşkil edib.
Musavat.com
