"5 il əvvəl ayaqlarım öz avtomobilimin altında qalmışdı. Ayaqlarım öz çəkisini itirib. Buna görə də tez-tez Bakıda çalışan türk həkimin yanına gedirəm. Hər kəsdən diqqət görürəm. Orada məni elə qarşılayırlar ki, tez-tez getməyə də utanıram".
Bunu Musavat.com-a Xalq şairi Nəriman Həsənzadə deyib.
Xalq şairi yaradıcılığından da danışıb:
" "Ədəbiyyat" qəzetində mütəmadi olaraq şeirlərim, poemalarım çıxır. Yeni şeirlər yazıram. Bu yay istirahətə vaxt tapa bilməsəm də, zamanım boşa getmədi. Yaradıcılıqla məşğul oldum. Qubaya getmək istərdim. Lakin tədris ili başlayır. Mən Milli Aviasiya Akademiyasının kafedra müdiriyəm deyə istirahətə zamanım olsa, Qubaya, yaxud da sanatoriya olan digər yerlərə getmək istərdim".
Aytən Novruz
Musavat.com
