İnsanlara hürriyət, millətlərə istiqlal!

Neft qiymətləri son 5 ayın minimumuna düşdü - Səbəb

1225 14.07.2022 23:06 İqtisadiyyat A A

Dünya bazarında neftin qiyməti düşməyə davam edir. Bu gün günortadan sonra Ukraynada müharibə başlayandan bəri ilk dəfə olaraq Londonun LCE birjasında Brent markalı neftin sentyabr fyuçersləri üzrə 1 bareli 95 dollardan aşağı satılıb. Nyu-Yorkun NYMEX birjasında WTI neftinin avqust fyuçersləri isə 92,14 barel təşkil edib.

Analitiklər neftin ucuzlaşmasının əsas səbəbi kimi ABŞ-da inflyasiyanın daha da sürətlənməsi fonunda Federal Ehtiyatlar Sisteminin(FED) uçot dərəcəsini daha kəskin, hətta 100 faiz bəndi artırmağa məcbur olacağı gözləntilərini qeyd edirlər. FED-in uçot dərəcəsinə 26-27 iyulda baxacağı gözlənilir. Uçot dərəcəsinin kəskin artımı ABŞ iqtisadiyyatında resessiya təhlükəsini daha da gücləndirəcək. Bu isə qlobal iqtisadiyyata yansımaqla neftə tələbatı kəskin azalda biləcək ən böyük faktordur.

Neft qiymətlərini üzüaşağı çəkən digər amil dolların məzənnəsindəki sürətli möhkəmlənmədir. Xüsusilə 20 ildə ilk dəfə avronun məzənnəsinin dollardan aşağı düşməsi bazarlar üçün neqativ siqnal olub.

Analitiklərin fikrincə, hazırkı təklif azlığı şəraitində belə qlobal iqtisadi resessiya təhlükəsi qiymətlərin düşməsinin davamlı olmasına səbəb olacaq.

 

Musavat.com

Bizim partnyorlarımız

XƏBƏR LENTİ

BÜTÜN XƏBƏRLƏR