Türkiyənin Şanlıurfa vilayətində dəhşətli hadisə baş verib.
Musavat.com xəbər verir ki, Hülya B. adlı qadın 42 yaşlı qaynı Ferdi B.-yə küçənin ortasında tapança ilə atəş açıb.
Qadının qaynını küçənin ortasında tapança ilə vurması anının görüntüləri də ortaya çıxıb. Yerdə yaralı halda olan kişiyə bir dəfə də atəş açan qadının bu görüntüləri sosial mediada izləyənləri şoka salıb.
"Namusumu ləkələdi, namusumu təmizlədim",- deyə qadın küçədə qışqırıb.
Ağır yaralanan şəxs hadisə yerində edilən ilk müdaxilədən sonra təcili yardımla Mehmet Akif İnan Təhsil və Araşdırma Xəstəxanasına aparılıb. Burada müalicə alan şəxsi bütün müdaxilələrə baxmayaraq xilas etmək mümkün olmayıb və dünyasını dəyişib.
Musavat.com
