Hindistanın baş naziri Narendra Modi ABŞ prezidenti Donald Trampa Rusiya neftinin alınmasını dayandırmağa hazır olduğunu bildirib.
Musavat.com xəbər verir ki, bunu Tramp Ağ Evdə jurnalistlərin suallarını cavablandırarkən deyib: "Dostum Modi məni Rusiyadan neft almayacağına inandırdı. O, bunu dərhal edə bilməz; bu, bir prosesdir. Amma bu, tezliklə başa çatacaq”.
Amerika lideri həmçinin əlavə edib ki, Vaşinqton Hindistanın Rusiya neftini almağa davam etməsindən məmnun deyil: “Çünki bu, Rusiyaya artıq bir milyon əsgərini itirdiyi müharibəni davam etdirməyə imkan verir”.
Trampın sözlərinə görə, “indi Çinin də eyni şeyi etməsi lazımdır”.
Musavat.com
