Qarışıq döyüş növləri (MMA) üzrə döyüşçü və Başqırdıstan Dövlət Assambleyasının deputatı Ceff Monson İslamı qəbul edib. Musavat.com xəbər verir ki, bu barədə məlumatı Match.tv yayıb.
Qeyd olunur ki, dini qəbuletmə mərasimi Moskvada baş tutub və müsəlmanların Qurban bayramına təsadüf edib.
İdmançı bir neçə ildir ki, dinini dəyişmək barədə düşündüyünü bildirib: “Bu gün İslamı qəbul etdim. Mən bir neçə ildir ki, bu barədə düşünürəm”.
Xatırladaq ki, Monson 2013-cü ildən Rusiyada yaşayır. Daha sonra o, Rusiya vətəndaşlığını alıb və ABŞ vətəndaşlığından imtina edib.
Musavat.com
