"Bu, kommersiya məsələsidir. Otellərin və s. xidmətlərin qiyməti barədə dəqiq məlumatım yoxdur. Vicdanı, mənəviyyatı olanlar təhsildən, yoldan, səhiyyədən, xüsusilə Həcc ziyarətindən pul oğurlamırlar".
Bu fikirləri Musavat.com-a millət vəkili Fazil Mustafa deyib.
Millət vəkili qeyd edib ki, Həcc ziyarətinə gəlir mənbəyi kimi baxmaq ayıbdır: "Ümid edirəm ki, belə niyyət yoxdur və qiymətlər bazar şərtlərinə uyğun təyin edilib. Bu elə məsələdir ki, mənəvi kriteriyalar ön planda olmalıdır. Pul qazanmağın başqa yolları da var. İnsanların inancı ilə bağlı məsələlərdə spekulyasiyalara yol vermək xoşagələn hal deyil. Bu məsələ aydınlaşdırılmalıdır".
Nigar HƏSƏNLİ,
Musavat.com
