ABŞ təmsilçisi "İnter Mayami"nin ulduz futbolçusu Lionel Messi MLS çempionatı çərçivəsində keçirilən oyunda zədələnib.
Musavat.com xəbər verir ki, "Filadelfiya"ya qarşı baş tutan və "İnter Mayami"nin 6:4 hesablı qələbəsi ilə yekunlaşan qarşılaşmada argentinalı hücumçu iki məhsuldar ötürmə ilə yadda qalıb.
Lakin matçın 73-cü dəqiqəsində Messi sol ayağından zədə alaraq oyunu davam etdirə bilməyib. Futbolçu meydanı tərk edərək paltardəyişmə otağına yollanıb. Onun əvəzinə meydana Mateo Silvetti daxil olub.
Klub rəhbərliyi Lionel Messinin durumuyla bağlı hələlik rəsmi açıqlama yaymayıb. Ulduz futbolçunun yaşıl meydanlara nə vaxt qayıdacağı isə hələlik məlum deyil.
Qeyd edək ki, Lionel Messi bir müddət əvvəl qarşıdan gələn dünya çempionatı üçün Argentina national football teamnin genişləndirilmiş heyətinə daxil edilmişdi. Argentina millisi qrup mərhələsində Avstriya, Əlcəzair və İordaniya yığmaları ilə qarşılaşacaq./milli.az/
